Category Archives: Espazio publikoa

Espazio Publiko Urbanoak

Posted on maiatza 21, 2012 | Utzi iruzkina

Espazio publiko urbanoak bere erabiltzaileen bizitza hobetzen dutenak omen dira, beste era batera esanda, espazio publiko urbanoa bere erabilpenaren bidez gizartea kohesionatzea ahalbidetzen duena litzateke.
Honen eredu Alemaniako Magdeburgko auzo liburutegia (“Open-Air-Library“) eta Osloko operaren inguruko eremua (“Den Norske Opera & Ballett“). Zeintzuk dimentsio oso ezberdineko bi proiektu izan arren, bere erabileraren emaitzengatik, Espazio publiko urbanoaren Europar sariaren 2010ko edizioan lehenengo postua “ex-aequo” elkar banatu zuten.

“Open-Air-Library“, Magdeburgko biztanleekin landuriko prozesu parte-hartzailearen emaitza da. Inguruko beste hainbat lekutan bezala, bertako egoera sozial desegokiaren ondorioz auzoa nahiko abandonaturik zegoen: husturiko dendak zein erabilera gabeko lur eremu zabalak ugariak ziren han, hauetako bat, bota berri zuten liburutegi zaharraren kokalekua izanik. Egoera honen aurrean, perfil anitzeko profesional talde bati hutsik zegoen denda hauetako batean esperimentu bat egitea ideia ona izan zitekeela bururatu zitzaion: lokala auzotarrek emandako liburuz betetzen saiatuko ziren. Emaitza ezin hobea izan zen, 20.000 liburu elkartzea lortu bait zuten. Ondoren, zonaldeko garagardo lantegi bateko kaxekin, liburutegi zaharreko eremuan, liburuok gordetzeko eta irakurtzeko balioko zuen ekipamendu berriaren itxura izango zuenaren 1:1 eskalako prototipoa eraiki zuten auzotarrek.

“Den Norske Opera & Ballett“, esan bezala, oso bestelako proposamena da. Jatorria Osloko zentrutik nahiko distantziatua zegoen Bjørvika eremua hirira hurbiltzearen gobernuaren erabakian dago. Hortarako bertan Osloko opera zein Edvard Munch Museoa bezalako ekipamendu kultural berriak eraiki egin ziren. Bjørvikako portuko ur lasaietatik azaleratzen den, Snohetta norbegiar arkitektura estudioak diseinaturiko, Osloko operaren inguruko hirigintza lanak jaso zuen saria. Eraikinaren inguruko gainazal eta aldapa hauek, bertatik paseatzeko, kanpoko ikuskizunak ospatzeko zein hiriaren ikuspegietaz gozatzeko espazio paregabean bihurtzea izan da saria jasotzearen arrazoi nagusia.

Espazio publiko urbanoaren Europar saria Bartzelonako Kultura Garaikidearen Zentroari, CCCB delakoa, loturiko ekimena da. Sariaren jatorria 1999. urteko “Europako errekonkista” izenburua zeraman erakusketan kokatzen da. Antolatzaileek, Europako hainbat hiritan ematen ari ziren espazio publikoen birgaitzeen aniztasuna ikusita, hauen jarraipena egitea interesgarritzat jo zuten, prozesu hauen testigu izatearen papera izatea aukeratu zuten. Honetarako bi urtez behingo saria sortzea otu zitzaien: Espazio publiko urbanoaren Europar saria.
Hemen aipatutako bi proiektu hauek sakonago edota bilduma osatzen duten besteetakoren bat ezagutu nahi izanez gero, informazio zabala eskaintzen duen ekimenaren web orrira joatea badago. Horretaz gain, gaiaren inguruko erakusketa, ekintza eta bestelakoen berri ere ematen da bertan.

Espazio publikoaren inguruko proiektuekiko interesa izatekotan, beste bi erreferentzia hemen:

· Project for Public Spaces: espazio publikoak diseinatzerakoan komunitatea eta harremanak eraikitzea posible egiten dituzten proiektuak aldarrikatzen dituen New York-eko elkartea. Helburu horiekin konferentziak, kurtsoak, argitalpenak eta bestelakoak eskaintzen dituzte “Placemaking” delako teorian beraien lana oinarritzen duten hauek.

· Post it city: espazio publikoen aldiko erabilera anitzak (aldikoak, anonimoak edota legearen kontrakoak) aztertu eta biltzen dituen proiektu benetan bitxia.

Argazkiak:

– “Open-Air-Library”, “Den Norske Opera & Ballett”: www.publicspace.org

– “Project for Public Spaces”: http://www.pps.org/

Utzi iruzkina

Arkitektura, Espazio publikoa atalean publikatua

Laburpen hitzak Bartzelona,CCCB,espazio publiko urbanoaren Europar saria,Magdeburg,New York,Oslo,Post it cities,Project for Public Spaces

Hormen kudeaketarako bulegoa, Madril

Posted on martxoa 1, 2012 | Utzi iruzkina

Izen bitxidun ekimen honen sortzailea Remedios Vincent da, nor “flores en el ático“ espazioagatik ere ezaguna den. “Flores en el ático” blogean artea eta espazio publikoa nahastearen emaitza diren proiektuak biltzen ditu. Gisa hortako proiektuak gustoko dituen edonork sarritan bisitatu beharreko espazioa da hau.

Hormen kudeaketarako bulegoari (“oficina del gestión del muro”) dagokionez, Remediosek martxan jarri zuen beste proiektuetako bat da. Honen helburua Madrileko kaleetan margoztu nahi duten hiri artistak eta horma edo murruen jabe diren auzotar elkarteak kontaktuan jartzea da. Halanola, bestelako instalazio artistikoak espazio publikoan egitea posible izateko kudeaketa lanak ere bideratzen dituzte. Guzti hori horrela izateko beharrezkoak diren baimenak edukitzeko, Madrileko udalarekin zein beste instituzio batzuekin ere kontaktuan daude.

Azpiko irudi ikusgarriak, artista eta auzotarren artean burututako lanaren eredu dira.

Madrileko hormak margoztuz auzoen estetika hobetzearen aitzakiarekin, hain sarritan ahazturik uzten diren beste auzo horietak0, hirietako biztanle ere diren horiei, artea hurbiltzen zaie. Halako dimentsioko obra baten sortze lanean erabakiak hartzearen aukera ematen zaie, prozesu ireki eta parte-hartzaile baten bidez. Hori da proiektu honekin, ia inoiz ez bezala, eskaintzen zaiena: beraiek bizi duten auzo eta hiriaren itxura zelakoa izango den erabakitzean, iritzia emateko aukera izatea.

Argazkiak: http://www.albertodepedro.com

Utzi iruzkina

Artea, Diseinua, Espazio publikoa, Lurraldea atalean publikatua

Laburpen hitzak Flores en el ático,Harresien kudeaketarako bulegoa,Madril,Remedios VIncent

GANDHI ESPERIMENTUEN ROCKA

Posted on urtarrila 27, 2012 | Utzi iruzkina

Datorren astelehenean, urtarrilaren 30an, arratsaldeko 19etan eta Bakearen eta Biolentzia-ezaren Nazioarteko Egunaren ospakizuna dela eta, GANDHI ESPERIMENTUEN ROCKA ospatuko da.

“BAKEA ETA BIOLENTZIA-EZA” kontzeptuaren gainean hausnartzeko esperientziaz eta ekintzez betetako 7 puntutan zehar egindako ibilbide aparta izango da.

90 minututako iraupena izango du eta paregabea, dibertigarria eta gogoangarria izango dela ziurtatzen dute antolatzaileek. Ezustekoz betetako ibilbidea izango da.

Gogoratu: 19etan Euskadi plazan hasiko da (Arte Ederretako museoaren alboan).

Utzi iruzkina

Espazio publikoa, Kultura atalean publikatua

Laburpen hitzak Bilbao,Gandhi Esperimentuen Rocka

Sare sozialen top 10

Posted on abendua 28, 2011 | Utzi iruzkina

Publikazio batek kaleratutakoaren arabera, egun sare sozial erabilienak honakoak dira:

1- FACEBOOK

2- YOUTUBE

3- BLOGGER

4- TWITTER

5- WORDPRESS

6- LINKEDIN

7- FLICKER

8- ORKUT

9- DIGG

10- TUMBLR

Utzi iruzkina

Espazio publikoa atalean publikatua

Laburpen hitzak Sare sozialak

Parkeak

Posted on urria 24, 2011 | Utzi iruzkina

Tiergarten, Retiro, Hofgarten, Ciudadella, Luxembourg, Vigeland, Central, Lokrum eta Hyde.

Zer ote?

Parkeak.
Bai noski.
Guzti horiek Espainia, Europa zein munduko parkeen izenak dira.
Seguru asko erantzun errazegiko galdera askorentzako.

Jatorri bila…

Parkeak, gure hirietako babesleku edo lasaitasunaren irla bezala ulertzen dira askorengandik. Dirudienez, hiritarrak naturatik hurbil sentitzeko sortu ziren. Askotan, natura erreproduzitzen saiatu ziren eremu murriztu hauetan, urrutiko espezieak bertara ekarririk eraikiz. XIX. mendeko espainiar testu baten arabera, 5.000 biztanle baino gehiagoko hiriak derrigortuak omen zeuden beraien hiritarren gozamenerako parke bat izatera.

Parkeak, itxura, tamainu, forma eta erabilera infinitukoak

Denbora igaronda eta ohiturak asko aldatu direla dirudien arren, parkeen jatorriko erabileretako asko mantendu egiten dira. Oraindik ere txalupan igota laku bat zeharkatzea, iturriek osaturiko irudi ederretaz gozatzea, gure gustura mugitu ditzazkegun burnizko ahulkiak erabiltzea, bankuan eserita egunkaria edo nobela bat irakurtzea, koaderno gorri batean marrazkiak egitea, egunerokoak ditugu.

Tartean erabilera berriak agertzen joan dira ere, hala patinetan aritzea, mundu osoko kirolak partikatzea (“cricket”, “volley-ball”, “parkour”), zuzeneko musika ekitaldiak entzun eta inguruan dantzan aritzea, “yoga” zein “tai-chi” praktikatu, lurrean trazaturiko bide-sareak erabiliz bizikleta bat gidatzea edo korrika egitea, arropa gutxi jantzita eguzkia hartzea, motordun hegazkin txikiak gidatzea, etb.
Denetarik dago gure parkeetan.
Eta hala behar du izan.

Gure bat

Seguru asko, gure hiriko parkerik ezagunena Doña Casilda parkea dugu, ahateen parkea bezala ere ezagutzen dena. Garai hau, udaberria eta udazkenarekin batera, aproposena izan daiteke bere landak betetzeko eta nahi dugun eran berataz gozatzeko.
Zergatik ez lagunen artean adostutako merienda belar gainean jarritako amantalean antolatuz, eguneko azken eguzki izpietaz gozatu?

Inspirazio bezala, duela bi urte inguru, Bilboko hainbat gazteek ospatutakoa:

Edota Bilboko “Chico y chica” taldeak “mapa sonoro” saiorako egindako elkarrizketakoa.

“Parkeak, hirietako biztanleek beraien aisialdian erabiltzeko eremuak bezala sortuak izan zirela ez litzateke ahaztu behar. Hiritarrari eskubide bat bezala, askatusunez gozatzeko eskaintzen zaizkion espazioak”.

Utzi iruzkina

Arkitektura, Espazio publikoa, Lurraldea atalean publikatua

Laburpen hitzak hiriak,parkeak

Bitxikeriak

Posted on urria 24, 2011 | 2 iruzkin

Astelehenean Parisko ‘Le marché aux puces‘era ibilaldia, asteartean atsedena hartu. Asteazkenean Bartzelonako ‘Els Encants Vells‘-era traste zahar bila, ostegunean astebururako indarrak hartzeko asmoaz atsedena berriz. Ostiralean berria den zerbaiten bila ‘Encants’-era bisita berriro ere, larunbatean Londoneko ‘Portobello Market‘-era egunpasa eta bukatzeko, igandean Madrileko ‘Rastro‘-ra edo Berlineko azokaren batetara txangoa.

Baina eta Bilbon, ba al dago gauza berezien zaleentzako halako mundurik?

Bai noski!

Hona hemen gure inguruan antolatzen diren azoketako batzuk:

– Hileko lehenengo larunbatetan ‘2 de mayo kaleko azoka‘ antolatzen du bertako izen bera daraman elkarte kulturaleko jendeak. Egun hortan kaleko autoak kentzean agertzen den espazioan diskak, arropa, altzariak, apaingarriak eta beste hainbat gauza saltzen dituzten postuak jartzen dira. Norberak nahi duena eraman dezake, beti ere aldez aurretik izena eman badu. Horretaz gain, 2 de mayo kaleko denda gehienek ere eskaintza berezia izaten dute eta anbiente ezinhobea egon ohi da. Eta batez ere, ez ahaztu maiatzeko ediziora joatea, kaleari, azokari eta elkarteari izena ematen dioten hilea dela ospatzeko, ohiko denaz gain dj-ak (bertan parte hartzen duen taller del soho-ren bideoa), koktelak, bazkari herrikoia eta beste hainbat ekintza antolatzen bait dira

Jon Aspuruk egindako bideo polit hau irudiak jartzeko:

– Hileko azken igandeetan Zorrozaurre aldean, Zawp-en, ‘Open Your Kolektiboa‘-k, auzokide zein kanpotarrek geldirik daukaten guztia martxan jartzeko gonbidapena egiten du. ‘Open your kolektiboa’ kaxoiean gorderik ideia bat bera ere ez geratzea bilatzen duen ekimena da. Kolektibo honek 2009ko abenduan ospatu zuen lehenengo ‘Ganbara’, eta auzoaren dinamizazioa bilatzen zuen berarekin. Izan ere, nahiz eta aste bitartean eremuan oraindik geratzen diren industria arrastro gutxiaren martxa somatzen zen, asteburuan beraien auzoa ia hilik sentitzen zuten bertakoek. Horri erantzuna emateko ‘Open Your Ganbara‘ jaio zen, eta 2011ko maiatzerarte ospatu izan da. Egun denboraldiko etenaldia egin dutelarik.

– ‘Mercado de gangas‘ izena hartzen duena ere ospatzen da Bilbon, behintzat, urtean birritan. Izan ere, ospatzeko aukeratuak izan diren ostiral eta larunbatean euria eginez gero baliteke antolatzaileek, hau da, Alde Zaharreko merkatarien elkarteak, berriro ere antolatzea erabakitzea. Bi egunotan, denda gehienek denboraldiari bukaera emateko arropa prezio merkeetan eskaintzen dute denda kanpoan jarritako postuetan. Normalean martxoan eta urrian izaten da zita, esan bezala, negua eta uda bukatzean, beherapenez bidez denboraldiari benetako amaiera emateko.

– Eta hirugarren aukera bezala, sarrien ospatzen dena eta gehienentzako ezaguna izango dena: plaza Berriko iganderoko azoka. Izan ere ez da batere plan txarra izaten bertako animaliak, landare eta loreak, txanpon eta billeteak, mineralak zein beste hainbat gauzen artean paseoan ibiltzea, edota zergatik ez, haurtzaroko oroitzapenak gogora ekartzea, haurrek guk umetan egiten genuen bezala kolekzioa osatzeko kromoak zelan aldatzen dituzten ikusiz, txibierro batzuk jan bitartean.

Dudarik gabe, traste zaharrak, bitxikeriak edota aparteko objetuak eta merkealdiak bilatzen dituztenentzako izen ezagunak izango dira guzti horiek, bertakoak zein kanpokoak.

Baina eta zuk, ba al duzu azoketara joateko ohitura? Zein da bisitatu ohi duzuna? Zer topa daiteke bertan? Zer da bertan topatu duzun gauzarik kuttunena?

2 iruzkin

Diseinua, Espazio publikoa atalean publikatua

Laburpen hitzak azokak,Bartzelona,Berlin,bitxikeriak,Jon Aspuru,London,Madril,maiatzaren 2,Open Your Ganbara,Open Your Kolektiboa,Paris,Zawp

Publicitador

Posted on abuztua 31, 2011 | Utzi iruzkina

Hilabeteetan zehar garatutako lana proiektu itxuran materializatzen hasia da. Idensitat-ek antolaturiko “Kirola, artea eta inklusio soziala” deituriko deialdian hautaturiko proiektuen emaitzak dira.

Gogora ekarriz: 2010ko uztailean, Espaniar Kirol Kontseilu Gorenak (CSD), A+D Plana deritzonaren barruan, eta IDENSITAT elkartearekin batera, deialdi espezifiko bat ireki zuen artea, kultura, kirola eta eremu sozialaren arteko erlazioa sustatzen zituen proiektuen bila.

Hemen etengabe eguneratzen doazen proiektuei lotura:

http://www.idensitat.net/index.php?option=com_content&view=category&layout=blog&id=112&Itemid=190

http://issuu.com/idensitat/docs/publicitador?viewMode=presentation

http://publicitador.wordpress.com/

Utzi iruzkina

Artea, Espazio publikoa atalean publikatua

Laburpen hitzak Idensitat,kirola

Fill the Gap (hutsunea bete)

Posted on otsaila 14, 2011 | Utzi iruzkina

Fill the Gap. Espazio publikoaren erabilera berriak.

BizBAK Bizkaia Bilbao Arte eta Kulturak bere neguko programazioa hasten du Fill the Gap mintegiarekin, zein otsailak 14 eta 15 UPV/EHU-ko Abandoibarrako, ireki berri den paraninfoan ospatuko den.

Proiektuak espazio publikoaren egungo kontzeptuaren inguruko erreflexioa proposatzen du, hau da, eremu hutsarena eta berau berreskuratzearen beharrarena. Mintegiaren garapenean Andrés Jaque, Amador Fernández Savater, Leónidas Martín Saura, Elena Casado Aparicio, CORReveidile, Carme Nogueira, Amparo Lasén Díaz eta Asier Pérez bezalako adituak arituko dira.

Mintegia disziplina ezberdinen topagunea izatearen helburuarekin antolatzen da. Denak era batean edo bestean espazio publikoaren erabilera berrien eta hauen problematizazioari lotuak daudelarik: berrikunta soziala, artea, arkitektura, soziologia, komunikazioa eta mobilizazio politikoa. Internet bazterturik utzi gabe, zein dudarik gabe, egungo publiko/pribatuaren transformazioaren paradigma ulertzeko ezinbestekoa den.

Proiektua otsailaren 14 eta 15ean garatuko da, bertan aditu ezberdinen hitzaldiak eskainiko dira, ondoren eguna ixteko mahai inguru bat ospatuko delarik.

Sarrera librea.

Bizkaia Aretoa. UPV/EHU-ko paraninfo berria, Abandoibarran. Astelehena (16-20h.) Asteartea (10-14h. – 16-20h.)

http://www.ehu.es/ehusfera/bilbak/2011/02/10/fill-the-gap/

info+

info++

bi une

Utzi iruzkina

Espazio publikoa, Kultura atalean publikatua

Laburpen hitzak Bilbao

TRACES OF AUTISM-ek emandako iD BARRIO tailerra

Posted on urtarrila 31, 2011 | Utzi iruzkina

Azterketa eta lurraldearen kartografia.

Traces Of Autism Jacqueline Schoemakerrek, Maartje Drosek eta Jozua Zaagmanek osatzen duten kolektibo multidisziplinarra da, honek eremuaren azterketa eta kartografiaren inguruan garatzen du bere lana. Hortarako espazio publikotik ibilbide luzeak egiten dituzte, irudi, argazki, bideo, testu eta bestelakoez eraturiko fitxategi bat izateko.

iD Barrio iD#5 idensitat-eri loturiko proiektua da, zeinek auzoaren ideia begirada urbanotik eta artea, kreatibitate soziala eta ingurunearen transformazioaren arteko erlaziotik lantzen dituen. Proiektu hau Calaf, Manresan eta Mataró bezalako lekuetan garatzen da, horrela auzoaren gaia hiri txiki eta ertainetan, eta nekazal eremuekin erlazioan lantzea posible delarik.

Joan den azaroan Bartzelonan garaturiko tailerraren emaitza bezala, bakarrean landuriko hemen aurkezten den proiektua, “parkings espontáneos” izenekoa, zeinetan hirietako lur eremu hutsak autoen aparkaleku bezala erabiltzearen fenomeoa lantzen den. Lana 2010eko uztailean Bartzelonan aurkeztua izan zen, tailer honen harira sorturiko gainontzeko proposamenekin batera.