Category Archives: Diseinua

Birmoldatu: hutsarentzako bizitza berri baten bila

Posted on uztaila 18, 2013 | Utzi iruzkina

Begibistakoa da denbora batetik hona inguruko kale, auzo eta hirietako hainbat lantegi, denda eta bestelako aktibitate ekonomikoa garatzen zuten askok beraien jarduera eten dutela. Baina honen aurrean, badago zer egin ere.

Erabilerarik gabeko espazio huts hauek praktika artistiko, sortzaile zein kulturalen bidez birmoldatzearen joera goraka doa eta honen eredu dira nazioarteko ekimen ugari. Gehienetan espazio komertzial hutsetan edota balio historikoa duten berreskuratutako eraikuntzetan garatzen dira, iabeti tokiko komunitateentzako onuragarriak diren proposamenak izanez.

IrudiaRecess, NY

Denda huts batek hainbat erabilera izan ditzazkeela azalean uzten du ekimen hauetako bakoitzak. Besteak beste; kausa bat sustatu, dohaintzak bildu, ideiak testeatu, prestakuntza edo ikastaroak antolatu, komunitate-proiektuak ezarri eta ekitaldi edo erakusketak ospatu daitezke aktibitaterik ez izatera igaro den espazio hauetako batean.
Saltoki izandakoei bizitza berria ematea errealitate egitearen kudeaketan Erresuma Batuko 3Space erakundea erreferentea da. Bere lana funtsean, proiektu bat martxan duen eta doako espazio apropos bat behar duen edozein erakunde txiki eta ondasun hutsaren jabea kontaktuan jartzean datza.

Denda hutsen erakuslehioak era askotariko artelanen aldi-baterako erakusketa-areto bezala erabiltzea oso bogan dagoen beste joeretako bat da, Chicagoko PopUp Art Loop eta Seattle-eko Storefronts Seattle ekimenen izaera hori delarik. Ildo berean, baina proposamen esperimentalagoa jorratuz, New York-eko Recess proiektu arrakastatsua, zeinek erakusleihoa ikuslegoari beti irekita dagoen arte sorkuntzarako espazioa bezala ulertzen duen eta artista garaikideei eskaintzen dien.
Halako denda eta biltegien pertsianak, mundu mailako graffiti egile esanguratsuenen lanen erakusketa areto bihurtu ditu Miamiko The Wynwood Walls proposamen berritzaileak.

IrudiaThe Wynwood Walls, Miami

Praktika artistiko, sortzaile eta kulturalei esker berreskuratuak izan diren, balio historikoa duten espazioei dagokionez, aipatzekoa da Beijingeko 798 SPACE. Iraganean estatuko lantegiak biltzen zituen eremu honek, nabarmen hasten ari den hiriko mugimendu artistikoa erakartzen du orain. Jatorriz Bauhaus eskolaren estiloan eraikia izan zen 798 SPACE-ren birmoldaketari esker, besteak beste, erakusketa eta ekitaldi nazional eta internazionalak, goi-mailako jarduera kulturalak eta merkataritza-jarduerak, moda-desfileak, hitzaldiak eta kontzertuak izaten dira bertan.

Joera beraren eredu da Torontoko Artscape. 80. hamarkadatik bertako kultura eta artearen sektoreetako espazioen kudeaketaren buru da eta eginkizun horrekin utzitako eraikuntzak birmoldatu eta artisten esku jartzeko lan egiten du.
Eremu berean kokatzen dira Le104, zein Pariseko hiletetako udalzerbitzuak eskaintzen zituen eraikina izatetik esperientziak sortzeko eta berrikuntzarako zentro kulturalean birmoldatu izan den eta The Deptford Project, berritua izan den tren bagoi zahar bat oinarri bezala harturik, inguruan sormen industrien proiektu sendoa martxan jarri duen Londoneko ekimena.

IrudiaThe Deptford Project, London

Era honetako ekimenek egungo jabetzaren kontzeptuari buruzko hausnarketa dakarte barneraturik. Beste herrialde batzuek berriki ezarritakoa eredutzat harturik, legegintzan egindako zenbait aldaketa aproposak izan daitezke hemen ere. Baliteke inguruko espazio hutsen kudeaketa bizkorrago hori, proiektu berrien sorrera emateko eta kontextu biziagoa lortzeko giltza izatea.

Birmoldatu: hutsarentzako bizitza berri baten bila artikulua, The Balde aldizkariaren 69. alean publikatua izan da.

Utzi iruzkina

Arkitektura, Berrikuntza, Diseinua, Kultura atalean publikatua

Laburpen hitzak ,,,,,,,,,,,,,,,,,,,

Martin Kollar

Posted on ekaina 9, 2012 | Utzi iruzkina

Guggenheim Bilbao Museoak badu nahi duenarentzat astearte, asteazken eta ostegunez irekita egoten den liburutegi espezializatu bat. Museoaren eraikin urdinaren atetik igarota du sarrera eta liburu, arte aldizkari eta bestelakoak daude erabilgai.

Esku artean Martin Kollar (1971, lehengo Czechoslovakia, egungo Slovak Errepublika) artistaren Cahier lana, argazki koloretsuz beteriko eskolako kuadernoen itxurakoa.

Argazki eta lan gehiago: http://www.martinkollar.com/

Utzi iruzkina

Artea, Diseinua atalean publikatua

Laburpen hitzak ,,

Hormen kudeaketarako bulegoa, Madril

Posted on martxoa 1, 2012 | Utzi iruzkina

Izen bitxidun ekimen honen sortzailea Remedios Vincent da, nor “flores en el ático“ espazioagatik ere ezaguna den. “Flores en el ático” blogean artea eta espazio publikoa nahastearen emaitza diren proiektuak biltzen ditu. Gisa hortako proiektuak gustoko dituen edonork sarritan bisitatu beharreko espazioa da hau.

Hormen kudeaketarako bulegoari (“oficina del gestión del muro”) dagokionez, Remediosek martxan jarri zuen beste proiektuetako bat da. Honen helburua Madrileko kaleetan margoztu nahi duten hiri artistak eta horma edo murruen jabe diren auzotar elkarteak kontaktuan jartzea da. Halanola, bestelako instalazio artistikoak espazio publikoan egitea posible izateko kudeaketa lanak ere bideratzen dituzte. Guzti hori horrela izateko beharrezkoak diren baimenak edukitzeko, Madrileko udalarekin zein beste instituzio batzuekin ere kontaktuan daude.

Azpiko irudi ikusgarriak, artista eta auzotarren artean burututako lanaren eredu dira.

Madrileko hormak margoztuz auzoen estetika hobetzearen aitzakiarekin, hain sarritan ahazturik uzten diren beste auzo horietak0, hirietako biztanle ere diren horiei, artea hurbiltzen zaie. Halako dimentsioko obra baten sortze lanean erabakiak hartzearen aukera ematen zaie, prozesu ireki eta parte-hartzaile baten bidez. Hori da proiektu honekin, ia inoiz ez bezala, eskaintzen zaiena: beraiek bizi duten auzo eta hiriaren itxura zelakoa izango den erabakitzean, iritzia emateko aukera izatea.

Argazkiak: http://www.albertodepedro.com

Utzi iruzkina

Artea, Diseinua, Espazio publikoa, Lurraldea atalean publikatua

Laburpen hitzak ,,,

Argazki lehiaketak

Posted on azaroa 25, 2011 | Utzi iruzkina

Iberdrola dorrearen inguruan antolatutako lehiaketa arrakastatsua bukatu berri denean, argazki lehiaketak antolatzearena egunean dagoela ematen du. Izan ere, han hemen eta gai ezberdinen inguruan, hainbat daude martxan.

Bertan parte hartzeko epearen arabera aurkeztuz, batzuk:

1- Azaroak 30 arte: TXIKITEOA.

Expo Gelak antolaturik, lehiaketak txikiteoarekin zerikusia duten argazkiak sarituko ditu, argazkiak bi sailetan banatzen direlarik. Batetik, argazki istorikoa delakoa, hau da, norberaren familiako albun zaharretan bilatuz topatzen diren argazkiak nahi dira. Bestetik, egungoak. Egungo Bilboko kaleetako txikiteoari dagokizkion argazkiak.

Info +

2- Abenduaren 8 arte: RENFE MADRID.

Hirugarren aldiz “Renfe Cercanías Madrid”-ek antolaturiko “Atrapando el Movimiento” argazki lehiaketa.

Info +

3- Abenduaren 12 arte: BILBI.

San Frantzisko, Bilbao Zaharra eta Zabala  Merkatarien Elkarteek antolaturik,  “Un mundo por descubrir” izeneko lehiaketa. Honetan San Frantzisko, Bilbao Zaharra eta Zabala auzoaren bazterrak eta jendea izango dira argazkien gaiak.

Info +

Utzi iruzkina

Diseinua atalean publikatua

Laburpen hitzak ,,,,

Aldizkariak

Posted on azaroa 20, 2011 | Utzi iruzkina


Mundu osoko diseinua, negozioak eta kultura bezalako jaiak jorratzen dituen aldizkaria eta web orria da Monocle.

Ondoko argazkian ikusi daitekeen bezala, maketazio, ilustrazio eta argazki zainduekin azaltzen dira bertan garatzen diren artikulu guztiak.

2007an sortu zuen Tyler Brûlé kazetari kanadiarrak eta ordutik mundu osoko sortzaileentzako informazio eta inspirazio iturri bezala ederki funtzionatzen darabil.

Aldizkariaz aparte, marka eta diseinatzaile zehatz batzuekin egindako hitzarmenei esker, produktu bereziak saltzen dira web bidez.

Ling hegazkin konpania baten (Vueling) aldizkaria da eta ohiko liburua ahaztu ez badara ere, interesgarria egiten da berau irakurtzea. Aurreko ereduan bezala, bertan ere estiloa benetan zaindua da. Bertako artikuluak batez ere leku eta tokien inguruan aritzen dira, baina beti ere, bertako ez-ohiko gaiak azaltzen direlarik. Irakurketa beste nonbaiten jarraitzea doakoa da.

Estiloa gustoko izatekotan, esaterako VICE, NEO2, Vanidad, The Balde zein *Wallpaper aldizkariak irakurtzea ere baduzu.

Utzi iruzkina

Diseinua, Literatura atalean publikatua

Laburpen hitzak ,,,,,,,,

Uluka

Posted on azaroa 17, 2011 | Utzi iruzkina

Uluka Larraitz eta Camiloren proiektu pertsonalak hartzen duen izena da. Bien pasio pertsonala argazkigintza da eta honekin lanean, beraien eskuez sorturiko produktuak eskaintzen dituzte (bitxiak, koadernoak, argazki-albumak, koadroak) web bidez.

haria, koadernoak eta bestelakoak

Beraien hitzetan ez-ohikoa da beraiek egiten duten argazkigintza, aldaketa, kritika eta iradokizunei irekita daudelarik.

Argazkigintza estimuan duen jendeari zuzentzen dira batez ere, baina gustua duten eta gauza paregabeak bilatzen dituzten horiek ahaztu gabe.

Web orriaz aparte, blog bat ere dute, non egunerokoak kontatzen dituzten edota argazkigintzaren aspektu teknikoei buruz aritzen diren. Laster guzti hori ezezik, zozketa, lehiaketa eta bestelakoak ere eskainiko dituztela iragartzen dute.

uluka blog eko logoa

Egungo proposamen interesgarria beraiena.

uluka2

Utzi iruzkina

Diseinua atalean publikatua

Laburpen hitzak ,,

Bilbao Arte

Posted on azaroa 13, 2011 | Utzi iruzkina

Oraindik Bilbaoko Urazurrutia kalean kokatzen den Bilbao Arte ezagutzen ez dutenentzat honako bideo hau, orain eta hemen:

Ikusi ondoren informazio gehiagoren bila bazaude jo hona.

Utzi iruzkina

Artea, Diseinua, Sorkuntza atalean publikatua

Laburpen hitzak ,

Denok gazte izan nahi dugu

Posted on urria 24, 2011 | Utzi iruzkina

Ikustear zauden bideoa, “Denok gazte izan nahi dugu” (“We All Want To Be Young”), Brasilgo BOX1824 enpresak, zeinek kontsumo ohiturak eta tendentziak aztertzen dituen, eginiko ikerketa sakon baten emaitza da.

9 minutuko luzera duen bideoa dokumental erakoa da, non ahots narratzaile batek, azken hamarkadetako filme, bideoklip eta bestelako esanguratsuenetakoen irudiak erabiliz, egungo gazteen analisi sakona azaltzen digun.

Ikerketaren emaitzetako batek dioenaren arabera, gazteen izaera aldaketek bizi garen munduan eragina izatera iritsi daitezke, 18 eta 24 arteko adina influentziagarriena izanik. Talde hau, gazteagoek eredu bezala ikusten dute, nagusiagoek aldiz inspirazio bezala.

Bestalde, beraiek omen dira munduan zehar modan zer dagoen erabakitzeko ahalmena daukatenak, hain argi ez dagoena da, beraiek guzti honetaz konsziente diren edo ez.

Bideoa inspiratzailea da, musika eta irudien arteko konbinaketa gustuz egina dago, hasieratik bukaerara mantentzen zaitu adi-adi begiak irekita. Misteriotsua, ez dakizu zehazki zer ikusten ari zaren, baina somatzen da marketing kanpaina baten kutsua ere.

Bertan esaten direnak baloratzea, eta beraiekin ados zatozen ala ez erabakitzea zure esku geratzen da. Saiatu zaitezke ere euskal gazteriarekiko aldeak topatzen. Horrelakoak al dira? Ala gara?

Aurrera!

Bideoa burutzeko burututako ikerketa lanari buruzko informazio gehiago izan nahi ez gero, ondoko link-ean txostena osorik deskargatzeko aukera daukazu:

http://www.osonhobrasileiro.com.br/indexn.php

Utzi iruzkina

Antropologia, Diseinua, Musika, Nortasuna atalean publikatua

Laburpen hitzak ,,

Donna Wilson

Posted on urria 24, 2011 | Utzi iruzkina

Bogan dagoen “Do it yourself” mugimenduarekin erlazionaturik dator gaur hemen aurkezten den artista: Donna Wilson eskoziarra.

donna wilson

Donnak bere enpresa 2003an sortu zuen, Londoneko Royal College of art ospetsuan ikasketak burutu ondoren. Hau egiteko bultzada ikasketa bukaerako lanerako sortu zituen panpinek izandako erabateko arrakasta izan zen, zeintzuk berehala saldu egin ziren.

Ordutik, bere negozioan ari da lanean eta famatu egin zuten panpinez gain beste hainbat produktu ere eskeintzen ditu (platerak, kojinak, bufandak zein txapelak). Beti ere, denak ezagun egin duten bere marrazki paregabeak oinarri bezala harturik sortuak.

bufanda cuello de cisne donna wilson

“Zisne bufanda”

Bere sorkuntzekin txundituta geratu den horietako bat gehiago bazara, aurretik aurkezturiko web orriaz gain, oso eguneratua mantentzen duen bere blog pertsonala bisitatzea ere baduzu. Bertan, argazki asko eskegi ohi ditu, esaterako ideia berrien bila inspirazio bezala egiten dituen bidaietakoak.

Egun, bere lan taldearekin batera sorturiko produktuak web orri horretatik zuzenean erosteaz gain, mundu osoko dendetan ere topatu daitezke. Gure artean, Bilbon badago hauetako bat: Narata, zein Indautxu kaleko 4. zenbakian dagoen.

narata-bilbao

Narata, Donna Wilsonen produktuak Bilbotarroi eskeintzeaz gain, beste hainbat gauza ere saltzen dituen denda berezia da. Bertan zaudela New Yorken edo Parisen zarela pentsatu dezakezu, bere estiloa bertako denden antzerakoa ere badelako. Horretaz gain, artisten lana ere jartzen du gure esku, aldizkako erakusketen forman.

Bertaratzeko aitxaki bila bazabiltza orain, eta larunbaterarte bakarrik, bertan ikusgai dagoen Julia Vergararen “Colores primarios” erakusketa bisita dezakezu.

Denda berezia eta ezberdina izatearen bidea daraman beste bat Bilboko Serie B dugu. Hauek bertako eta atzerriko kalitatezko diseinatzaileen arropa, poltsa, zapatak eta bestelakoak ezezik, beraien bi dendetan aldizkako erakusketak eta kontzetuak eskaintzen dituzte ere (“Serie B Concert Store”). Ez galdu beraien blog-ean eskegi ohi duten informazio eguneratua, programatzen doazen kontzertu eta erakusketen berri izateko.

Eta hauek bi besterik ez dira, hainbat egongo diren hiri honetan! Zeintzuei eskertzekoa den arropa eta halakoak saltzeaz gain, bertako eskaintza kulturala bultzatzeko egiten duten lana.

argazkiak: http://www.donnawilson.com eta www.minube.com

Utzi iruzkina

Diseinua atalean publikatua

Laburpen hitzak ,,,,

Bitxikeriak

Posted on urria 24, 2011 | 2 iruzkin

Astelehenean Parisko ‘Le marché aux puces‘era ibilaldia, asteartean atsedena hartu. Asteazkenean Bartzelonako ‘Els Encants Vells‘-era traste zahar bila, ostegunean astebururako indarrak hartzeko asmoaz atsedena berriz. Ostiralean berria den zerbaiten bila ‘Encants’-era bisita berriro ere, larunbatean Londoneko ‘Portobello Market‘-era egunpasa eta bukatzeko, igandean Madrileko ‘Rastro‘-ra edo Berlineko azokaren batetara txangoa.

Baina eta Bilbon, ba al dago gauza berezien zaleentzako halako mundurik?

Bai noski!

Hona hemen gure inguruan antolatzen diren azoketako batzuk:

– Hileko lehenengo larunbatetan ‘2 de mayo kaleko azoka‘ antolatzen du bertako izen bera daraman elkarte kulturaleko jendeak. Egun hortan kaleko autoak kentzean agertzen den espazioan diskak, arropa, altzariak, apaingarriak eta beste hainbat gauza saltzen dituzten postuak jartzen dira. Norberak nahi duena eraman dezake, beti ere aldez aurretik izena eman badu. Horretaz gain, 2 de mayo kaleko denda gehienek ere eskaintza berezia izaten dute eta anbiente ezinhobea egon ohi da. Eta batez ere, ez ahaztu maiatzeko ediziora joatea, kaleari, azokari eta elkarteari izena ematen dioten hilea dela ospatzeko, ohiko denaz gain dj-ak (bertan parte hartzen duen taller del soho-ren bideoa), koktelak, bazkari herrikoia eta beste hainbat ekintza antolatzen bait dira

Jon Aspuruk egindako bideo polit hau irudiak jartzeko:

– Hileko azken igandeetan Zorrozaurre aldean, Zawp-en, ‘Open Your Kolektiboa‘-k, auzokide zein kanpotarrek geldirik daukaten guztia martxan jartzeko gonbidapena egiten du. ‘Open your kolektiboa’ kaxoiean gorderik ideia bat bera ere ez geratzea bilatzen duen ekimena da. Kolektibo honek 2009ko abenduan ospatu zuen lehenengo ‘Ganbara’, eta auzoaren dinamizazioa bilatzen zuen berarekin. Izan ere, nahiz eta aste bitartean eremuan oraindik geratzen diren industria arrastro gutxiaren martxa somatzen zen, asteburuan beraien auzoa ia hilik sentitzen zuten bertakoek. Horri erantzuna emateko ‘Open Your Ganbara‘ jaio zen, eta 2011ko maiatzerarte ospatu izan da. Egun denboraldiko etenaldia egin dutelarik.

– ‘Mercado de gangas‘ izena hartzen duena ere ospatzen da Bilbon, behintzat, urtean birritan. Izan ere, ospatzeko aukeratuak izan diren ostiral eta larunbatean euria eginez gero baliteke antolatzaileek, hau da, Alde Zaharreko merkatarien elkarteak, berriro ere antolatzea erabakitzea. Bi egunotan, denda gehienek denboraldiari bukaera emateko arropa prezio merkeetan eskaintzen dute denda kanpoan jarritako postuetan. Normalean martxoan eta urrian izaten da zita, esan bezala, negua eta uda bukatzean, beherapenez bidez denboraldiari benetako amaiera emateko.

– Eta hirugarren aukera bezala, sarrien ospatzen dena eta gehienentzako ezaguna izango dena: plaza Berriko iganderoko azoka. Izan ere ez da batere plan txarra izaten bertako animaliak, landare eta loreak, txanpon eta billeteak, mineralak zein beste hainbat gauzen artean paseoan ibiltzea, edota zergatik ez, haurtzaroko oroitzapenak gogora ekartzea, haurrek guk umetan egiten genuen bezala kolekzioa osatzeko kromoak zelan aldatzen dituzten ikusiz, txibierro batzuk jan bitartean.

Dudarik gabe, traste zaharrak, bitxikeriak edota aparteko objetuak eta merkealdiak bilatzen dituztenentzako izen ezagunak izango dira guzti horiek, bertakoak zein kanpokoak.

Baina eta zuk, ba al duzu azoketara joateko ohitura? Zein da bisitatu ohi duzuna? Zer topa daiteke bertan? Zer da bertan topatu duzun gauzarik kuttunena?

2 iruzkin

Diseinua, Espazio publikoa atalean publikatua

Laburpen hitzak ,,,,,,,,,,,