Sare sozialen top 10

Publikazio batek kaleratutakoaren arabera, egun sare sozial erabilienak honakoak dira:

1- FACEBOOK

2- YOUTUBE

3- BLOGGER

4- TWITTER

5- WORDPRESS

6- LINKEDIN

7- FLICKER

8- ORKUT

9- DIGG

10- TUMBLR

Nontzeberri

Nontzeberri euskara hutsean idatzirik dagoen kulturari buruzko web orri bikaina da. Nontzeberri Suspergintza elkartearen proiektua da, bere xedea kultura sarean hedatzea delarik.

Nontzeberrin kulturaren inguruko albisteak zein lehiaketen inguruko informazioa topatu daiteke. Duela gutxi ospatu den “bilblogari” (Bilboko gazte euskaldunei zuzenduriko blog lehiaketa) lehiaketaren hirugarren edizioa gogoratzea, non blog honek, NONAHIk, sari bat jaso zuen.

Orain, bai NONAHIk zein beste irabazleek ere, NONTZEBLOGOSFERA atalaren zati dira.

Eskerrik asko eta zorionak guztiei.

“Kanpoko, eta batez ere bertako kulturarekiko interesa izatekotan, egun Nontzeberrira konektaturik egotea benetan interesgarria da”.

Kultura bonua

Gabonak iristear dira eta duela urte batzuetatik hona bezala, aurten ere Eusko Jaurlaritzak KULTURA BONUA delakoa jarri du salgai. Urtero bezala ere, txartela  25 eurotan erosten da kutxazainetan, eta ondoren 40 euroko balioa du kulturan kontsumitzeko. Hortaz, 15 euroko “oparia”.

 

 

“Opariak egiteko garaia den honetan, kultura kontsumituz egitea du helburutzat kanpaina bikain honek. Urtean zehar ordea, kultura kontsumitzea baloratzen ez duen jendeak, bestelako jarrera bat izateko balio ote du ekimen honek?”.


Janari japoniarra

Estatuko beste hiri batzuetan ez bezala, orain arte zaila zen japoniar janaria eskaintzen zuen jatetxe bat hemen aurkitzea, baina badirudi pixkanaka hori ere aldatuz doala. Hala, urrutiko jaki hauekiko, era guztietako jendearen interesa ere pizten hasi da, gero eta zale gehiago biltzen ari dela ikus daiteke. Hau neurri batean gure artean irekitzen ari diren kalitatezko janaria eskaintzen duten jatetxe berriei esker dela dirudi.

Orain, hemen, bi: Bilboko SUMO eta SHIBUI.

SUMO antzinako auzoko janari denden estiloan aurkezten da, bere Ledesma zein Pozas kaleko dendetan. Janaria beste edonora (“take away”) eramateko prestatzen dute, nahiz eta bertan jateko pare bat banku ere izan. Sushi-an espezialistak dira, zure aurrean prestatzen dizutelarik, eta beste hainbat plater berezi ere dituzte zure eskura bertan (sopak, arrozak, pastak). Horretaz gain, Japoniako produktuak ere dituzte salgai, Kikkoman saltsak, Mochi pastelak edo Sapporo garagardoak esaterako.

sumo bilbaoArgazkia Ledesmako dendan egina da eta http://elviejoclub.blogspot.com blog-etik hartua dago.

Besteari dagokionez, SHIBUI, Bartzelonakoaren biki Bilbotarra litzatekeela esan daiteke. Dirudienez, ez-ohiko jatetxea, maila altuko jatetxea baizik. Prezioa ere besteena baino pixkat altuagoa da, baina dirudienez benetan gomendagarria da, hala nola, bertako dekorazioa ere ikustekoa omen da, zein Susana Ocañak egin duen. Beste blog honetan irakurri dugunaren arabera, jatetxearen espazioak 600 metro karratu baino gehiago ditu eta ohiko jatetxeaz aparte, pintxoak eta koktelak eskaintzeko lekua ere ditu. Etorkizunean terraza bat ere irekiko omen dute.

shibui bibaoArgazkia ere http://www.espacioactitudes.com/am/actitudes-onblog/283-luces-y-sombras-en-shibui.html blog-etik hartua dago.

Madrili dagokionez, gomendagarriak dira: Avila kalean dagoen NAOMI, Chueca auzoko Erregina kaleko JANATOMO eta Echegaray kaleko AKI. Bartzelonan blog honetan aurretik aipatu izan diren: MIKASA eta KOYUKI (Còrsega kaleko 242. zenbakian).

“Duela urteak jatetxe txinatarrak baziren bertako gastronomiak eskaintzen ez zituen zaporeak eta egiturak  gure artera hurbiltzen zituena, egun beste herrialde asiatarrak hartzen ari dio martxa”.

Durangoko euskal liburu eta diska azoka

Datorren abenduaren 4ean emango zaio hasiera 1965 urteaz geroztiz antolatzen den Durangoko euskal liburu eta diska azokari, eta hilaren 8 arte irekita egongo da Landako erakustazokan.

Urtero bezala, sarrera doakoa da eta 10:30etarik eta 20:00etara irekita egongo da. Topaketa aukera ona izaten da urteko nobedadeak eskuratzeko, norberaren idazle kuttunenak alea sinatzeko, betiko klasikoak prezio onean erosteko, zein hurrengo urteko egutegi originalena aurkitzeko.

Argazki lehiaketak

Iberdrola dorrearen inguruan antolatutako lehiaketa arrakastatsua bukatu berri denean, argazki lehiaketak antolatzearena egunean dagoela ematen du. Izan ere, han hemen eta gai ezberdinen inguruan, hainbat daude martxan.

Bertan parte hartzeko epearen arabera aurkeztuz, batzuk:

1- Azaroak 30 arte: TXIKITEOA.

Expo Gelak antolaturik, lehiaketak txikiteoarekin zerikusia duten argazkiak sarituko ditu, argazkiak bi sailetan banatzen direlarik. Batetik, argazki istorikoa delakoa, hau da, norberaren familiako albun zaharretan bilatuz topatzen diren argazkiak nahi dira. Bestetik, egungoak. Egungo Bilboko kaleetako txikiteoari dagokizkion argazkiak.

Info +

2- Abenduaren 8 arte: RENFE MADRID.

Hirugarren aldiz “Renfe Cercanías Madrid”-ek antolaturiko “Atrapando el Movimiento” argazki lehiaketa.

Info +

3- Abenduaren 12 arte: BILBI.

San Frantzisko, Bilbao Zaharra eta Zabala  Merkatarien Elkarteek antolaturik,  “Un mundo por descubrir” izeneko lehiaketa. Honetan San Frantzisko, Bilbao Zaharra eta Zabala auzoaren bazterrak eta jendea izango dira argazkien gaiak.

Info +

Aldizkariak


Mundu osoko diseinua, negozioak eta kultura bezalako jaiak jorratzen dituen aldizkaria eta web orria da Monocle.

Ondoko argazkian ikusi daitekeen bezala, maketazio, ilustrazio eta argazki zainduekin azaltzen dira bertan garatzen diren artikulu guztiak.

2007an sortu zuen Tyler Brûlé kazetari kanadiarrak eta ordutik mundu osoko sortzaileentzako informazio eta inspirazio iturri bezala ederki funtzionatzen darabil.

Aldizkariaz aparte, marka eta diseinatzaile zehatz batzuekin egindako hitzarmenei esker, produktu bereziak saltzen dira web bidez.

Ling hegazkin konpania baten (Vueling) aldizkaria da eta ohiko liburua ahaztu ez badara ere, interesgarria egiten da berau irakurtzea. Aurreko ereduan bezala, bertan ere estiloa benetan zaindua da. Bertako artikuluak batez ere leku eta tokien inguruan aritzen dira, baina beti ere, bertako ez-ohiko gaiak azaltzen direlarik. Irakurketa beste nonbaiten jarraitzea doakoa da.

Estiloa gustoko izatekotan, esaterako VICE, NEO2, Vanidad, The Balde zein *Wallpaper aldizkariak irakurtzea ere baduzu.

Eramateko musika

Concert à emporter” frantsesez edo “a take away show” ingelesez. Eramateko musika litzateke euskarazko bertsioan.

Ondorengo hauek kontzertu bereziak gertatzea posible egiten dituztenetako batzuk dira, ereduak harturik, urrunetik hona, igo bolumena eta ireki begiak!

La Blogothèque

Ideiaren bertsio frantsesa da. Hemen suediarra den Lykke Li abeslariak eta El perro del mar taldeak San Frantziskoko kaleetan eskainitako emanaldia.

Black Cab Sessions

Erresuma Batuko bertsioa eta musikariak zein poetak dira hemen protagonista. Bertako taxi famatuek ematen diote izena proiektuari eta gehinetan antzezleak Londoneko kaleetan zehar bidaiatzen doazela ospatzen dira.

Beach House bikote estatu batuarraren bertsioa:

Mapa Sonoro

Espainiako telebista publikoaren saioa da hau, beraien hitzetan “road movie” itxuran eginikoa. Besteak bezala, honetan ere kontzertuetarako espazio eta une bereziak aukeratzen dituzte, baina horretaz gain, elkarrizketa laburrak ere izaten dira.

Chico y Chica talde Bilbotarraren eta Mursegoren agerraldiak bertan zelan izan ziren ikusteko aukera izan zen aurreko post batzuetan. Oraingoan Astrud trenean bidaiean doazela hasten den saioa:

Orain

Hurbilen geratzen zaiguna da hau. Ez dira besteak bezala esklusiboki bideo musikaletan aritzen, baina tartean hau bezalakoak ere eskaintzen dituzte.

Gora Japon Bilbotarrak:

Uluka

Uluka Larraitz eta Camiloren proiektu pertsonalak hartzen duen izena da. Bien pasio pertsonala argazkigintza da eta honekin lanean, beraien eskuez sorturiko produktuak eskaintzen dituzte (bitxiak, koadernoak, argazki-albumak, koadroak) web bidez.

haria, koadernoak eta bestelakoak

Beraien hitzetan ez-ohikoa da beraiek egiten duten argazkigintza, aldaketa, kritika eta iradokizunei irekita daudelarik.

Argazkigintza estimuan duen jendeari zuzentzen dira batez ere, baina gustua duten eta gauza paregabeak bilatzen dituzten horiek ahaztu gabe.

Web orriaz aparte, blog bat ere dute, non egunerokoak kontatzen dituzten edota argazkigintzaren aspektu teknikoei buruz aritzen diren. Laster guzti hori ezezik, zozketa, lehiaketa eta bestelakoak ere eskainiko dituztela iragartzen dute.

uluka blog eko logoa

Egungo proposamen interesgarria beraiena.

uluka2

Melankolia

Batzuren hitzetan urteko filme onena omen da Melankolia edo “Melancholia”, Lars Von Trier zuzendari danimarkarraren azken filma. Gogoratzekoa da joan den Cannes-eko zinemaldian sorturiko polemika hura, zein filme honen aurkezpenerako antolatutako prentsaurrekoan izan zen.

Dena (argi, irudi, soinu, mugimendu, kolore, keinu, aurpegi, gorputz, dantza) gustuz egina azaltzen da begi aurrean, eta Kirsten Dunst eta Charlotte Gainsbourg-ena, apartekoa.